تولکی جان
کربلایه گئدیری
خیر اولسون
یولا دوشدوز گئنه شکراًلله
منی ده گل آپار انشاءالله
نه چیقیرّم
نه بوگورّم
نه ده هئچ
یییه سن ده منی هش نه دئمرم
فقط انشاءالله
ایسته دین سن منی ین
یه بوداشّاقومدان
یه بو داشّاقومدان
کئدرلی دور اوره گیم گوزلریم یاشی یاغاجاق
سنین بو ازیلماقلارون منیم ائویم ییخاجاق
نه ایستیرم کی منه احترامیلن باخالار
سوزومه باخسالار اوندا اولار گوزل اولاجاق
دوشون سوزومه او وخ یله ّنیب یولا دوش
اگر کی دکتورموز اولسا دردیمیز یاتاجاق
شهیدیمیز چوخ و زحمت چئکن فراوان دور
مهندس و دکتر دئیین هاچان چیخاجاق
اگر کی واردو سیزین غیرت و حمیّت ییز
کمک وئرین کی ایگیدلر سحر اوزون تاپاجاق
فقط تکبّر و نخوت فقط حسود لاشماق
بیزیم بوتون اعمالوموز یئره ووراجاق
اولار کی الّری ایشده گلین صافا چیخیلین
اوموقع دیر کی سیزه هامو مرحبا دیا جاق
یالانچی لار بویوگی بیر بئله الیم سیخمه
سنین له دوست اولا بیلمم قوجاقلایوب اوپمه
منیم ده چوخدی گناهیم ولی یالان دئمنم
چاقورما خلقی یالاندان مزاح ائدیب گولمه
بیزیم ده واردو خداموز باغوشلار عیبیمیزی
سن آت گونان بیزی اصلاً یانوموزا گلمه
سنین ده قویروقیوی باغلایوبلار اجنبیه
هاچان یانار اوره گین چوخ اوزیوی اینجیتمه
چه رد ائدن چه قبول احتیاجیمیز یوخدور
اوزون کی بیر یئره چاتمان بیزی ده پس ساتمه
اگر چه غم توکولوب سینه می ییخیب گئدیری
دوباره من دئییرم رازقانه چوخ گئتمه
گل یانوما شاه اوغول
دئییم سنه تیلیم دن
اولگونان آگاه اوغول
اوغول اوغول بگ اوغول
دوشمنی وور اگ اوغول
تورکی دانوش تورکی یاز
دردیمیزه دگ اوغول
اوغول اوغول جان اوغول
دامارومدا قان اوغول
گئت دولان اورگن گینن
ائللره اول خان اوغول
اوغول اوغول ناز اوغول
یاخشی اوخی یاز اوغول
یایدا هاواایستی دیر
ائیله باشون داز اوغول
اوغول اوغول گول اوغول
باغچادا سونبول اوغول
سن گول و من بولبولم
سن ده آچول گول اوغول
قلبیمه از بس سالار لرزه ائلر لرزان منی
گورسم او عالی جنابی گویلوم ایستر قوزانا
هی ووراردوش تا ائده ویران منی
قوخسی دیسه بورنوما باشیم دوشر تلواسیه
هی دئیر دیواره داشه ائیله یر بی جان منی
گورموشم بدر آیینی عقلیم باشومدان آتولوب
ائیله ییب مجنون تکین صحراده سرگردان منی
فال ووردوم من تیلیم خان شعرینه آدوم دئیه
بیلمه دیم گول یا گوزلدیرائیله دی حیران منی
باشقا کندی سئچرم
او وطنده کی منی .
....................
اووطنده کی منی قینا دولار
گئدرم بیر یره کی عشق آلالار
شاعری باشه آلوب ساخلاتالار
وطنیمدن کوچئرم
گئدرم غربته اوردا قالارام
هامی زادوم ساتارام
نئلرم بو وطنی وطن آیری آلارام
وطنیمدن کوچئرم بو وطندن گئدرم .
دوشان گزر باغلاری
نئجه گئدیم حاصارا
گوزوم گورمز یولاری
دونیا قجالتار آدامی پیر حیدر
سن آلله ساخلا دادامی پیر حیدر
قیرمیزی توتلار نیجه دیر پیر حیدر
گونش باتوبدور گئجه دیر پیر حیدر
اردوشونا دایان قورخما پیر حیدر
داغ دوشونده یاتوب یوخلا پیر حیدر
اوشاقلوقوم یادوندادور پیر حیدر
کوینگیمی بویاتاردور پیر حیدر
ییخیلمیشم بیر بالاجا پیر حیدر
دیمراشا بیلمم آقاجا پیر حیدر
یادوندا ساخلا منی ده پیر حیدر
هریانا آتما منی ده پیر حیدر
بو دونیادا وفا یوخدی پیر حیدر
اودونیادا صفا چوخدی پیر حیدر
کیم گلیری کیم گدیری پیر حیدر
هاموسوناسلام یئتیر پیر حیدر
گئجه لر دامدا یاتاردوم
گوز تیکیب آیا باخاردوم
کوچا دان صوچی گئچردی
باغچا دان تولکی قاچاردی
بیر اشک کی هانقیراردی
اوبیری ده باشلیاردی
صبح تئز داوار چیخردی
قوزولار ائوده ملردی
من ده داوارا گئدردیم
آغ بایوردان دا گئچردیم
یادی خیر اولسون خرک لر
سیکمرده او ته گک لر
کوچادا اویناخلایاردوک
دام و داشلاری قازاردوک
کیم بیلردی آیرولوق وار
گون گئدر قارانقولوق وار
مرغئی ده چیراغ یانار
ایشیقی تا گوگه چاتار
عاشیق اوز جانینی قویار
تورکینی زینده ساخلاتار
شاهسون یا خلج یوخی
آذری یا کرج یوخی
راستا یول دور کی کج یوخی
دیل بیزی زینده ساخلاتار
تبریزین ای بویوک لری
تورکونون گول چیچک لری
شهریارون دئدیک لری
بیزلری زینده ساخلاتار
ای امیری دئییم ساغ اول
ای غلامی دئییم ساغ اول
ای سیامک دئییم ساغ اول
ائل بیزی زینده ساخلاتار
---------------------------------------
تاغار سینر قاتوق یئره توکولر
ییخیلیر اوستونه قاب یالویانلار
تیلیم خان ای تیلیم خان ای تیلیم خان
منیم آرخام ائلیم جانیم تیلیم خان
گزیب دونیا گئچیبدیر زمانلار
گدای لار بیز لره منت ساتالار
تیلیم خان ای تیلیم خان ای تیلیم خان
منیم آرخام ائلیم جانیم تیلیم خان
گئدیب شهره داها شهری اولوب لار
داها اوز دیللرین یئره قویوبلار
تیلیم خان ای تیلیم خان ای تیلیم خان
تغاری بشکند ماستی بریزد
اولار دونیا به کام کاسه لیسان
تیلیم خان ای تیلیم خان ای تیلیم خان
منیم آرخام ائلیم جانیم تیلیم خان
